1.Цаг агаар:
Өнгөрсөн хоногт: Улаанбаатар хот болон Төв аймагт бага зэргийн цас орсон. Бусад нутгаар цаг агаар тогтуун байлаа.
Өнөөдөр: Ихэнх нутгаар үүлшинэ. Төвийн аймгуудын нутгийн зүүн хойд хэсэг, зүүн аймгуудын нутгийн хойд хэсгээр цас орж, зөөлөн цасан шуурга шуурна. Бусад нутгаар цас орохгүй. Салхи баруун хойноос 5-10 м/с, зарим газраар 13-15 м/с хүрч ширүүснэ. Увс нуур болон Дархадын хотгор, Хангай, Хөвсгөлийн уулархаг нутаг, Завхан голын эх, Идэр, Тэс, Эг, Үүр голын хөндийгөөр 12-17 градус, Хэнтэйн уулархаг нутаг, Эг-Үүр, Орхон-Сэлэнгэ, Хараа, Ерөө, Туул, Тэрэлж, Хэрлэн, Халх голын хөндийгөөр 6-11 градус хүйтэн, Хангай нурууны өвөр бэл болон говийн бүс нутгийн хойд хэсгээр 2 градус дулаанаас 3 градус дулаан, говийн бүс нутгийн өмнөд хэсгээр 4-9 градус дулаан, бусад нутгаар 2-7 градус хүйтэн байна.
Улаанбаатар хотод: Багавтар үүлтэй. Цас орохгүй. Салхи баруун хойноос 6-11 м/с. Өдөртөө 5-7 градус хүйтэн байна.
Төлөв байдал: 28-нд баруун аймгуудын ихэнх нутаг, төвийн аймгуудын нутгийн зарим газар, зүүн аймгуудын нутгийн зүүн хэсгээр, 29-нд төв болон говийн аймгуудын ихэнх нутаг, зүүн аймгуудын нутгийн баруун хэсгээр, 1-нд нутгийн зарим газраар, 2-нд нутгийн зүүн хагаст цас орж, цасан шуурга шуурна. Салхи 28-нд ихэнх нутгаар, 29-нд говь, талын нутгаар, 1-нд баруун аймгуудын нутгаар 2-нд төв болон говийн аймгуудын зарим нутгаар 13-15 м/с хүрч ширүүснэ. Ихэнх хугацаанд Увс нуур болон Дархадын хотгор, Завхан голын эх, Идэр, Тэс голын хөндийгөөр шөнөдөө 28-33 градус, өдөртөө 15-20 градус, Хангай, Хөвсгөл, Хэнтэйн уулархаг нутаг, Хүрэнбэлчир орчим, Эг-Үүр, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 20-25 градус, өдөртөө 6-11 градус хүйтэн, Алтайн өвөр говь болон говийн бүс нутгийн өмнөд хэсгээр шөнөдөө 7-12 градус хүйтэн, өдөртөө 0-5 градус дулаан, бусад нутгаар шөнөдөө 14-19 градус, өдөртөө 2-7 градус хүйтэн байна.
2.Гал түймэр:
Хувийн өмчид гарсан: Нийслэлийн Сүхбаатар дүүргийн 18 дугаар хороонд иргэн Г-гийн байшингийн дээвэр шатаж байна гэсэн дуудлагыг 02.26-ны өдрийн 13:12 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 7 алба хаагч, 2 автомашинтай 2.5 км замыг туулан 13:16 цагт очиж, 20 минут ажиллаж унтраасан.
3.Эрэн хайх, аврах ажиллагаа:
Эрэн хайх ажиллагаа /төөрсөн/: Нийслэлийн Сонгинохайрхан дүүргийн 32 дугаар хороонд тус дүүргийн 18 дугаар хорооны харьяат иргэн Б /64 настай, эрэгтэй, согтууруулах ундаа хэрэглэсэн/ “Хайжэт” загварын бага оврын ачааны автомашинтай “Хүй 7 худаг”-аас урд зүгт гэр рүүгээ явж байгаад автомашин нь эвдэрч, явганаар замаа олохгүй төөрсөн тухай дуудлагыг 02.26-ны өдрийн 23:29 цагт хүлээн авсан. Нийслэлийн Аврах ангийн 6 алба хаагч, 1 автомашинтай 60 км замыг туулан 02.27-ны өдрийн 00:17 цагт очиж, мөн өдрийн 02:45 цагт Төв аймгийн “Хүйтний-Ам” гэдэг газраас малчин Т-гийнхээс эсэн мэнд олж, хөрш малчин М-д хүлээлгэн өгсөн.
4.Мэдээлэл:
Сураггүй болсон: Өмнөговь аймгийн Булган сумын Дэн багийн “Талай” гэдэг газарт /сумын төвөөс хойд зүгт 50 км-т/ малчин О /37 настай, эмэгтэй/ 02.26-ны өдрийн 18:00 цагийн орчим гэрийнхэнтэйгээ маргалдаад гэрээсээ явган гараад сураггүй болсон тухай мэдээллийг 02.27-ны өдрийн 00:50 цагт хүлээн авсан. Тус сумын Засаг даргын Тамгын газрын 5 ажилтан, ар гэрийн 8 иргэн, нийт 13 хүн, 7 техник хэрэгсэлтэй 01:25 цагт “Талай” гэдэг газраас тус багийн “Төгрөг”, “Цагаан дэрс”, Хоолт багийн “Задайн-Адаг”, “Булан” гэдэг газруудаар 23 км-ийн тойрогт эрэн хайх ажиллагааг зохион байгуулж байгаа тухай мэдээллийг 02.27-ны өдрийн 06:00 цагт иргэн Б аймгийн Онцгой байдлын газарт мэдээлсэн.
ОНЦГОЙ БАЙДЛЫН ЕРӨНХИЙ ГАЗАР